شو احكيلك عن حالي ... ( فلسطيني قح)

">

اخ ايش احكي عن زكريات
جمعها الخالق بغرفة فرح
النوم فيها هنى والليل حكايات
والحكايات ما بتنتهي للصبح
حتى الضحكة تبتسم ساعات
بغرفة فيها اسرار من جرح
كل سر فيها يحمل سلامات
لمخيم عشنا فيه كل المرح
اه غرفتنا انا و أولاد الخال
اللي جمعنا كل فرحة فيها بجرح
ايش احكيلك بعد يا سامع
كلو راح و ما ترك الا جرح

ادا حكيتلك عن كل شارع
تقول الصدق امانة انا كداب
الشارع فيه كل الناس تشارع
نحب بعضنا متل اخوة والعتاب
شو احكي شو عن الحال الضايع
كل شارع مشيناه اتسكر بكتاب

طيب احكيلك عن الاصحاب
يا الله ما اجمل و اروع ايامهم
لما نجتمع يجتمع معنا العتاب
ولما نفترق بكل طريق اناطرهم
على سطع نسهر و نطلع عالقمر
و نتعاتب على شي راح كأنو ناطرهم
و على النهر نروح ونمسك هالكتاب
و ندرس و نتفق للنجاح نجائرهم
اما اسا الفراق... وين الاصحاب؟؟
واحد مات وانحبس الثاني و انا ناطرهم

طيب احكيلك مين حبيبتي؟؟؟
هيي البحر اللي سهّرنا
هي كوني و هيي رفيقتي
هيي النجوم اللي تسهرنا
هيي النور وعيت على طريقتي
اه مستغرب ليش؟؟؟ هاي حبيبتي
و بمخيم واحد شفتها فجأة اتغيرنا
و صرنا احباب و الحب غريزتي
ما بعرف ايش اللي قدّرنا
بس ما لحقت اشوف انها حبيبتي
فماتت و مات معها املي واتكسرنا
غريبة هالدنيا والله غريبة
حتى الحبيب تاخده مني وتبقى اتعزبنا

طيب احكيلك عن بيتي قبل ما يتدمر
اسمع ... هدا بيتي عشت فيه السنين
و حلمت فيه بكل آمالي انو يكبر ويتعمر
حتى عمّرت فيه غرفة اساسه من الحنين
خفت بيوم كل الحنين بلحظة و ثواني يتكسر
فخبيت الحنين بقلبي وقفلت عليه بقفل متين
لكن الاحساس ما يخطئ !!! كله راح و اتدمر
وصرت ادوّر على دكرى تحت حجارة صارت طحين
و كل ما الاقي ورقة ... بأحساسي بحاول اتغير
بس للأسف سمعت ذكرى تحكي بصوت حزين
تسألني وين ايامك وين وعدك اللي ما بتغير
نزلت دمعتي من شوقي لذكرى وكل الايامين
وقلت يا دكرى تركت منك نسخة في قلبي تتعمر
و نسخة تانية تفديك بدمار بيتي و الحزنانين
حتى لا تحسي بأني تركتك او انا بتغير

ايش احكيلك طيب انت شايف الاحوال
صحابي راحوا و تركوني اتمرمر
و زكرياتي راحت مع اولاد الخال
وصرت متل الفحم اللي بدو يتجمر
حتى حبيبتي تركتني بغابة ادغال
احاول انساها حتى ما اعيش اتحسر
و بيتي جمعت في كل الفرح والآمال
راح بشربة مي بقذيفة وحدة ادهدم و اتدمر
يا سامعني اسمعني و افهمني على كل حال
انا واحد كللي ضايع بهالبلاد واحد امعتر
ما الي حق احلم الا اني اكون رجال
فاقد الوعي من احلام ضايعة و بتتكسر
شو بدك اكثر من هيك حكايات وحال
ما تشفق على واحد عاش عمرو مشحر

بس يا ريت تفهمني بهالكلمة يا رجال
رغم معاناتي رح ارجع ابني و اعمر
و رجعتي على فلسطين بلا محال
حتى ترجع تتعمر دكرياتنا و تتغير
و ألاقي فيها الحب والحنان والجال
لأنو الامل فيكي اكبر من انو يتغير

سأعيش رغما عن القيود التي تكبلني
سأعيش حري القلب و سأجمعك دكرياتي
سأعيش في مخيم شعار فيه الدمار
سأعيش لك يا وطني رغم ان عيناي ترهف للقاك
سأعيش رغما عن القدر رغما عن التمني
لأراكي يا فلسطينتي و اراكي انت يا حبيبتي
سأعيش رغما عنكم جميعا يا من تريدون منا الاذلال
فوالله لن اذل طالما كوفيتي فوق جبيني
لن اذل طالما في ظهري فلسطين
و سأبقى شامخ الرأس ما دمت فلسطينيا
و شامخ العهد ما دمت جهاديا

كلمات انسان يبحث ان ذكرياته بين ركام بيت من حنين

تأليف
موون

واااااااااااو
كلام حلو كتير يا مووون